Laban ng Sumilao farmers tapos na!

Nalagdaan na rin kaha­pon ang Memorandum of Agreement (MOA) na tata­pos sa matagal ng kaso ng 144 ektaryang lupa sa Su­milao, Bukidnon na hina­habol ng mga magsasaka.

Ang kasunduan ay ni­lagdaan sa San Carlor Se­minary Complex sa Gua­dalupe, Makati na si­nak­sihan ni Cardinal Gau­den­cio Rosales.

Matapos ang signing ceremony sa pagitan ng mga kinatawan ng mga magsasaka at ng San Mi­guel Corp. ay nagtungo ang mga Sumilao farmers sa Malacanang upang iprisinta kay Pangulong Gloria Arroyo ang kopya ng settlement agreement.

Mula sa pinagtatalu­nang lupain, 50 ektarya mula sa original property na 144 ektarya ang mapu­punta sa mga magsasa­gawa, pero bibigyan pa rin sila ng 94 ektarya sa labas ng nasabing original property.

Hindi naman naitago ng mga magsasaka ang ka­nilang kaligayahan mata­pos na makamit ang kani­lang ipinaglalabang lupain.

Ayon sa mga ito, malaki ang kanilang pasasalamat sa Catholic Bishops Of the Philippines (CBCP) parti­kular kay Cardinal Rosales upang makamit ang lupa na matagal na kanilang pinaghihirapan.

“Pasalamat kami kay Cardina Rosales. Tinulu­ngan kami upang maibalik. Di man lahat ibinalik sa amin ang 144, pero naka­kuha namin ang 50 sa 144 hectares‚ ani Rene Peña paralegal assistant ng mga Sumilao farmers.

Inaasahang mapapa­sa­kamay na ng mga Sumi­lao farmers ang may 50 ektarya ng lupa sa mga susunod na araw.

Nabatid kay Rosales na nagkasundo na ang SMC at ang chief executive officer nito na si Ramon Ang na ibigay sa mga kuwa­lipikadong magsasaka sa pamamagitan ng deed of donation ang 50 ektarya na bahagi ng 144 ektaryang lupa.

Ang Deed of Donation na ibinigay sa sa mga magsasaka ay pirmado din ng San Miguel Food Inc. (SMFI), sinasabing subsidiary ng SMC.

Ipinag-utos na rin uma­no ni Pangulong Arroyo sa Department of Agrarian Reform na mabilisin ang proseso sa pagdetermina ang mga kuwalipikasong benepisyaryo ng nasabing lupain. (Malou Escudero/Doris Franche)