Mas mainit sa Abril at Mayo - PAGASA

Mas matinding init pa ang mararamdaman sa Abril at Mayo at sa pag­taya ng PAGASA, posib­leng umabot sa 40 degree centigrade ang tem­peratura. 

Sa panayam kay Na­thaniel Cruz, head ng weather branch ng PAG­ASA, pumasok na sa bansa ang hangin mula sa silangan o hanging sila­­nganin na mula sa Philippine Sea kaya ina­asa­hang aabutin ng 40 centigrade ang tempe­ratura sa Region 2 parti­kular sa Caga­yan valley dahil mas ma­init na lugar ito sa bansa, saman­talang sa Metro Manila ay aabutin ng mula 36-38 degree centigrade.

“Kapag naging 36 hanggang 38 centigrade ang temperatura sa Metro Manila, mararam­daman ng mga tao ay parang 40 centigrade ang init at sa Cagayan valley naman sa region 2 kapag umabot na sa 40 centigrade ang temperatura ang pakiramdam ng mga tao ay 43 centigrade,” pahayag ni Cruz.

Sinabi ni Cruz na nagi­ging ganito ang panahon sa bansa dahil sa epekto ng relative humidity o ang amount ng water vapor sa atmosphere.

“Dito sa atin sa Pili­pinas, madaming water vafor sa atmosphere kaya ang tao kapag pina­wisan hindi agad natu­tuyo ang pawis at ma­lagkit yan ay dahil sa epekto ng relative humi­dity.. dun naman sa Saudi Arabia, mababa ang water vapor kaya pag pina­wisan ang mga tao dun ay tuyo agad ang pawis,” paliwanag pa ni Cruz

Gayunman, sinabi ni Cruz na bagamat summer at mainit ang pana­hon sa Abril at Mayo, may­roon pa ring mara­ranasang paminsan-min­sang pag-ulan dahil na­man sa epekto ng La Nina phenomenon. 

Kaugnay nito, pinayu­han ni Cruz ang publiko na huwag masyadong mag­ babad sa init dahil baka hindi makayanan at ma­hilo, uminom ng mas ma­raming tubig, magsuot ng maluluwang at pres­kong damit at magpa­yong o mag­­ lagay ng anu­mang pananggalang sa kata­wan para hindi direk­tahang mainitan. (Angie dela Cruz)