Palasyo sa ralista: ‘Wag bastusin ang Pangulo

Nakiusap kahapon ang Malacañang sa mga raliyista na iwasan na nito ang pambabastos sa pamamagitan ng “name calling” kay Pangulong Arroyo sa kanilang isina­sagawang mga kilos-protesta. 

Sinabi ni Deputy Pre­sidential Spokesperson Lorelei Fajardo, igina­galang ng Palasyo ang mga kilos-protesta sa punto ng umiiral nating democratic freedom su­balit dapat anyang ma­ging responsable rin na­man ang mga raliyista at gamitin ang kanilang karapatan sa sibilisi­dadong pamamaraan at hindi nambabastos. 

“We however wish that the participants enjoy said freedom with responsibility. They should express themselves in a civilized manner and not resort to name calling,” giit pa ni Fajardo. 

Magugunitang sa mga nakaraang araw, kung anu-ano ang itinatawag sa Pangulo tulad ng tiyanak, evil, bitch at sen­tro ng korupsyon hinggil pa rin sa kontro­bersyal na NBN-ZTE deal. (Rudy Andal)