Bagong People Power malabo raw

Minaliit ng Malaca­ñang ang posibilidad na mag­ karoon ng paniba­gong People Power upang ma­patalsik sa poder si Pa­ngulong Arroyo.

Ayon kay Executive Secretary Eduardo Er­mita, kulang ang ele­mento na susuporta para sa panibagong People Power tulad na rin ng paglalarawan ni dating Pangulong Ra­mos.

Wika pa ni Sec. Er­mita, malaya naman ang sinuman na manawagan ng kanilang paniniwala tulad ni CBCP president Archbishop Angel Lag­da­meo. 

“Naniniwala kami na the conditions, as well as the reasons for a people power are not present,” dagdag pa ni executive secretary.

Sinabi ni Ermita, ang panawagan ni Archbishop Lagdameo ay hindi na­man nanganga­hulugan na ito rin ang paniniwala ng 81 obispo, 14 arso­bispo at 2 kardinal ng simbahan.

“They cannot claim na sila lang ang nag­luklok kay Pangulong Gloria Macapagal-Arroyo noong EDSA 2,” dagdag ni Er­mita.

Idinagdag pa ni Er­mita, walang plano ang Palasyo na kasuhan ng sedition ang simbahan dahil sa ginawa nitong mga panawagan dahil karapatan naman ng si­numan na ihayag ang kan­yang pagkadismaya o kanyang paniniwala. (Rudy Andal)