US naalarma sa JI plot vs Gloria

Naalarma  ang Esta­dos Unidos sa nadis­kubre ng security forces sa plano ng Jemaah Islamiyah terrorist at mga bandidong Abu Sayyaf Group (ASG) na patayin si Pangulong Gloria Macapagal Arroyo.

“Da­pat itong ikabahala.  Da­pat maging mapag­ma­tyag ang puwersang pan­seguridad ng Pilipinas at ang mamamayang Pili­pino,” sabi ng taga­pag­salita ng embahada na si Rebecca Thompson.

Sa isang ambush interview sa pagbubukas kahapon ng ika-24 serye ng RP-US Balikatan exercises sa Camp Agui­naldo, sinabi ni Thompson na ang Pilipinas ay isa sa mga kapanalig ng Es­tados Unidos sa kam­panya laban sa pandaig­digang banta ng tero­rismo. 

Ayon kay Thompson, patuloy ang kanilang monitoring sa galaw ng JI terrorist na sinasabing kinakanlong ng mga rebelde sa  Mindanao. (Joy Cantos)