Chinese officials hindi mapipilit ng Senado - DFA

Hindi maaring pilitin ng Senado ang mga opisyal ng Chinese Embassy para tumestigo sa pagdinig sa $329 M National Broadband Network contract ng pamahalaan sa ZTE Corporation.

Ayon sa ilang opisyal ng Department of Foreign Affairs, maaring gamitin ng ilang diplomats na ipina­tawag ng Senate Blue Ribbon Committee ang kani­lang diplomatic immunity upang hindi makadalo sa pagdinig.

Ang nasabing ‘diplomatic immunity’ ay naka­pa­loob sa Vienna Convention on Diplomatic Relations.

Sinabi ng DFA na ka­pag ipinagpilitan ng Sena­do na padaluhin sa ZTE-NBN scandal ang mga diplomats ng Chinese Embassy ay maari ang mga itong magsampa ng diplomatic protest.

Nabatid na isinuhes­tiyon ni Senate Minority Floor Leader Aquilino Pimentel Jr., sa Senado na isubpoena si Chinese Embassy Economic Attache Fan Yang para maka­dalo at mabigyang linaw. (Joy Cantos)