Yaman ni Lozada bubungkalin

Maging ang yaman ni Rodolfo Lozada Jr ay  sisiyasatin ng Department of Justice.

Ayon kay Justice Secretary Raul Gonzalez, sa pagkakaalam umano niya ay hindi nakakatang­gap ng sweldo si Lozada noong ito pa ang Pa­ngulo ng Philippine Forest Corporation dahil sa hindi umano ito plantilla official.

Hindi rin umano ma­iku­kunsidera si Lozada na isang public official base na rin sa natanggap na impormasyon ng Ka­lihim mula sa Department of Environment and Natural Resources dahil isa lamang itong consultant.

Dahil dito, kinuwesti­yon ni Gonzalez ang pag­lalaro ni Lozada sa Wack-wack country club at ang pagpapaaral nito sa kanyang mga anak sa isang exclusive schools.

Samantala, isinoli ni Lozada kahapon ang  P500,000 na ibinigay naman umano para sa kanya  ni Deputy Executive Secretary Manuel Gaite.

Sa pagpapatuloy ng pagdinig ng Senate Blue Ribbon Committee, ina­min ni Lozada na tinang­gap ng kanyang kapatid mula kay Gaite ang nasa­bing salapi habang siya ay nasa Hong Kong. (Gemma Garcia at Malou Escudero)

Show comments