Central, Southern Luzon, inalerto sa flashfloods

Itinaas na kahapon ng National Disaster Coordinating Council (NDCC) ang flood /landslide alert sa Central at Southern Luzon na ngayon ay binabayo ng mga pag-ulan.

Base sa report ng Philippine Atmospheric Geophysical and Astronomical Services Administration (PAGASA), sinabi ni NDCC Executive Director Glenn Ra­bonza, partikular na nanganganib sa pag­daloy ng mudflows galing sa Mayon Volcano ang mga nani­nirahan sa Bicol Region matapos na mamataan ang low pressure area sa bisinidad ng Sibuyan Sea malapit sa Rom­blon.

Partikular na inalerto ang mga residente ng Bicol dahil ang Bicol River Basin ay patuloy na dumadanas ng mga pag-uulan gayundin ang Cagayan Valley na patuloy na makaka­ranas ng pag-uulan hanggang araw ng Lunes.

Samantala ang iba pang lugar sa Luzon kasama na ang Metro Manila ay patuloy ding makakaranas ng pag-uulan dahil din sa low pressure area. (Angie dela Cruz)