2 BuCor officials kakasuhan sa Jalosjos ‘escape’

Sasampahan ng ka­song administratibo ng Department of Justice (DOJ) ang dalawang opis­yal ng Bureau of Cor­rections (BuCor)dahilan sa paglabas ng New Bilibid Prisons (NBP) ni convicted rapist Romeo Jalosjos ng walang ka­ukulang permiso noong Disyembre 22, 2007.

Ayon kay Justice Under­secretary Fidel Ex­conde, pinuno ng inves­tigating pa­nel, sa su­sunod na linggo ay ila­labas na nila ang reko­mendasyon upang ma­­isulong ang kasong admi­nistratibo sa mapapa­tuna­yang res­ponsable sa pag­laya ng dating Kon­gresista.

Kabilang sa maaring sa­sampahan ng kasong administratibo at kriminal sina  Supt. Juanito Leo­pando na siyang lumagda ng release order bagamat xerox copy lamang ang dokumentong hawak nito ay pinalaya si Jalosjos.

Gayundin si Manolo Belen, hepe ng Sepa­ration Department ng Bucor na siya namang naghanda ng naturang release order at nagsabi rin na isang “un­signed memorandum” ang kan­yang pinagbasehan sa paggawa ng release order na dapat muna ay pinirma­han ni Teodora Diaz, hepe ng Field operations ng Bucor, subalit hindi nito ni­lagdaan.

Muling itinakda nga­yong Huwebes dakong alas-10 ng umaga ang pagdinig upang matukoy rin kung nasaan ang ori­hinal na kopya ng natu­rang release order. (Gemma Amargo-Garcia)