Droga sa Bilibid uubusin!

Nangako kahapon ang kauupo lamang na bagong hepe ng Bureau of Corrections (BuCor) na si dating PNP chief Oscar Cal­de­ron na la­ lansagin niya ang mga drug ring operators na kumikilos sa loob ng New Bilibid Prisons (NBP) ng Mun­­tinlupa City.

Sinabi pa ni Cal­de­ron na sa kanyang pa­nunungkulan ay ma­hig­pit niyang ipa­pa­tupad ang pagsa­wata sa talamak na benta­han at pagpu­puslit ng droga sa loob ng na­sabing pam­bansang piitan.

Kaugnay nito, ina­­ta­san na kahapon ni Cal­deron ang kan­yang mga tauhan na kila­lanin o tukuyin ang mga drug ring operators na kumi­kilos sa loob ng national penitentiary para sa aga­rang pag-sakote sa mga ito.

Sinabi pa ni Cal­deron na gagawin niyang “drug free” ang NBP kung saan kabi­lang ito sa lis­tahan ng kanyang mga pro­grama para sa kaayu­san at ika­bubuti ng mga imates dito.

Kabilang din sa mga pangunahing isa­sa­ayos umano ni Cal­deron ay ang pag­tukoy sa mga suhu­lang “sin­dikato” sa loob ng NBP na uma­no’y nasa likod ng wala sa oras o iligal na paglabas sa mga selda ng ilang mga inmates at ang mga sikretong lagusan ng mga ito.

Ang nasabing hak­bang ayon pa kay Cal­deron ay upang hindi na maulit pa ang ka­halintulad na pang­yayari sa isyu ng “pag-puga” ni Jalos­jos na naging ugat upang masibak sa kanyang pwesto ang pinalitan nitong hepe ng BuCor na si Ri­cardo Dapat.