Pinoy sa Pakistan bawal sumama sa political rally

Binalaan ng Department of Foreign Affairs (DFA) ang lahat ng Pi­noy sa Pakistan na hu­wag lumahok sa mga political rally kasunod ng assassination kay dating Prime Minister Benazir Bhutto noong Huwebes ng gabi.

Sinabi ni DFA Un­dersecretary for Migrant Workers Affairs Esteban Conejos Jr. dapat na isagawa ng mga Pinoy sa nasabing bansa ang kaukulang pag-iingat dahil posi­bleng lumala pa ang sitwasyon doon.

Nag-isyu na ang Em­bahada ng Pilipinas ng travel warning sa mga Pinoy sa Karachi at La­hore doon, ba­gaman hindi pa naman kaila­ngan ang paglili­kas sa mga Pinoy.

Ayon kay Conejos, aabot sa 3,000 ang mga Pinoy na nani­nirahan at nagta­tra­baho sa Pakistan.

Umabot na sa 33 katao ang namama­ tay sa bansang Pakistan makaraang su­miklab ang kaguluhan at iba’t ibang riot bunsod ng pagka­ka­paslang kay  Bhutto. (Joy Cantos)