Neri ipapaaresto ng Senado

Nagbanta na kaha­pon si Senator Alan Peter Caye­ tano, chairman ng Senate blue ribbon committee na ipa­pa­aresto na nila si da­ting National Economic Development Authority (NEDA) head at kasalu­kuyang chair­man ng Commission on Higher Education (CHED) Ro­mulo Neri kung iisnabin pa rin nito ang hearing ngayon ng Senado.

Sinabi ni Cayetano na  dapat nang dumalo si Neri sa pagpapatuloy ng  hearing ng Senado kaugnay sa kontrober­siyal na National Broadband Network (NBN) deal sa pagitan ng gob­yerno at ng ZTE Corp. ng China.

Kung hindi pa umano dadalo si Neri matapos padalhan ng subpoena ay ipapaaresto na nila ito.

Sinabi pa ni Caye­tano na dapat tuparin ni Neri ang kanyang pa­ngako na mu­ling babalik sa Senado sa pagpa­patuloy ng hearing ma­tapos niyang ibunyeg na inalok siya ni dating Commission on Elections chairman Benjamin Abalos ng P200 milyon para pabo­ran ang kon­trata ng ZTE.

Matapos dumalo ng isang beses sa hearing ng Senado si Neri, hindi na ito muling bumalik kahit pina­dalhan ng im­bitasyon. (Malou Escu­dero)