‘Suhulan’ may basbas ni GMA — CBCP

Malaki ang  panini­ wala ng Catholic Bishops Conference of the Philippines (CBCP) na alam at may basbas ni Pangu­long Glo­ria Macapagal-Arroyo ang nangyaring suhulan sa Malacañang  matapos ang pagpu­pulong dito noong naka­raang linggo.

Ito naman ang  biniti­wang pahayag ni Pam­panga Auxiliary Bishop Ambo David matapos na   umamin ang dalawang gobernador  na nakatang­gap sila ng  “cash gift”  mula sa  Malakanyang.

Ayon kay David, hindi dapat umanong gawing tanga ng administrasyon ang  mga Filipino sa kani­lang ginagawang ano­mal­ya dahil ang  publiko nga­yon ay mas mapag­masid sa galaw ng gob­yerno.

Sinabi ni  David na imposibleng  hindi alam ni Arroyo ang nangyayari sa loob ng kanyang   bahay   dahil bilang  nani­nirahan dito ay dapat alam niya ang bawat kilos ng kan­yang  mga ka­samahan.

Aniya, lumilitaw  pa umano na SOP ang biga­yan. “Parang nakasana­yan na, kapag nakasa­nayan mo ang bagay na hindi tama ay nagiging tama.”ani David.

Samantala, hinikayat din ni David sina Pam­panga Governor Ed Pan­lilio at Bulacan Governor Mendoza na pangunahan ang pagmamartsa ng taumbayan sakay ng kanyang kariton upang isoli sa Malakanyang  ang pera na ibinigay  sa ka­nila.

Subalit malaking ku­wesitiyon kay David kung sino ang tatanggap ng  pera sakaling ibalik ito sa Malakanyang at kung wa­ lang tatanggap sa pera ay itapon papasok sa gate ng Malakanyang  dahil doon naman umano ito nang­galing. (Doris Fran­che)