Babala ni Dolorfino:  Civil war sisiklab

Nagbabadya uma­no ang madugong civil war kapag lumahok ang mga sundalo sa  kudeta  upang patal­sikin  sa kapangya­rihan si Pangulong Gloria Macapagal Arroyo.

Ito ang ibinabala kaha­pon ni Philippine Marines Corps Commandant Major Gen. Ben Mohammad Dolor­fino sa panayam ng Defense reporters.

“A civil war is not far-fetched if the Armed Forces is involved in a coup try. That is the main reason why we should remain solid and neutral at all times,” dagdag pa ni Dolorfino.

Aminado ang opis­yal na apektado ang mga sundalo sa kon­tro­bersyal na alegas­yon na tumang­gap umano ng ‘cash gift ‘ o suhol mula P200,000.00 hanggang P500,000.00 ang mga lokal na opisyal upang suportahan ang liderato ni Pangulong Arroyo na nahaharap sa paniba­gong impeachment complaint.

Kumambyo naman ang opisyal sa pag­sa­sabing bilang mga sun­dalong may sinum­paan sa tungkulin ay dapat na umiral ang kanilang pro­pesyu­nalismo sa ser­ bisyo at hindi dapat makikisaw­saw sa isyu ng pulitika.

Inihalimbawa ni Do­lorfino si dating Marine Commandant Ar­temio Tadiar na noong kainitan ng 1986 People’s Power Uprising ay tumangging sundin ang utos ni dating Chief of Staff  ret. Gen. Fabian Ver na barilin ang mga protesters sa EDSA highway .

“Had the former commandant, General Tadiar, not been as professional, it could have become a bloody confrontation between the pro-government and government forces,” paliwanag pa ni Do­lorfino.

Nabatid na ang pa­nibagong impeachment complaint laban kay Pa­ngulong Arroyo ay nag-ugat  sa  kon­trobersyal  na $329M contract sa China’s ZTE Corp. para itayo ang National Broadband Network project.  Ang nasabing deal sa China ay kinansela ng punong ehekutibo ma­tapos ang kaliwa’t ka­nang mga pagbatikos.