‘Hello Garci’ puwede nang iparinig sa Senado

Posibleng magtuloy-tuloy na ang pagpapa­rinig ng kontrobersyal na “Hello Garci” tape sa Senado.

Ito ay matapos na tu­manggi ang mga mahis­trado ng Korte Suprema sa kagustuhan nina retired Court of Appeals (CA) Justices Santiago Ranada at Oswaldo Ag­caoli na harangin ang pagpaparinig ng naturang tape na kasalukuyang dinidinig sa Senado.

Kinuwestiyon ni SC Associate Justice An­gelina Sandoval Gutierrez ang legal standing ng dalawa kung bakit nila kinukuwestiyon ang pag­paparinig ng “Hello Garci” tape at kung ano rin ang masamang maidudulot nito sa kanila.

Kinuwestiyon din ni Justice Gutierrez ang mga petitioner kung ano ang masamang idudulot nito sa Integrated Bar of the Philippines (IBP) na kanilang kinabibilangan at kung bakit hindi kasali bilang petitioner ang IBP.

Sinabi naman ni Ag­caoli na walang maidu­dulot na masama sa kanila sakaling maipag­patuloy ang pagpaparinig ng naturang tape subalit magagastusan lamang umano ang gobyerno sa naturang hakbang.

Bunsod sa ilang katanungan ni Gutierrez na hindi masagot ni Ag­caoli kaya nagduda ang una sa motibo ng pag­hahain ng petisyon ng huli.

Dahil dito kaya pina­yuhan na lamang nito sina Agacaoli at Ranada na makipagtulungan na la­mang sa isinasagawang pagdinig ng Senado upang maiparinig ang kontrobersyal na tape para na rin sa kapakanan at integridad ng halalan sa bansa. (Gemma Amargo-Garcia)