‘Utak’ sa Ninoy murder ituro muna – Cory

Dahil hindi naman uma­amin sa kanilang ka­salanan at hindi hu­ mi­hingi ng tawad, walang puwang para kay dating Pangu­long Corazon Aqui­no ang pagpapatawad para sa 14 sundalong na­hatulan da­hil sa pagpatay sa kan­yang asawang si dating senador Benigno “Ni­noy” Aquino Jr.

Personal na nagtungo kahapon ang dating Pa­ngulo sa Senado upang pakinggan ang talumpati ni Sen. Benigno “Noynoy” Aquino III kaugnay sa kan­yang amang si Ninoy.

Ayon kay Cory, dapat mu­nang sabihin ng mga nakabilanggong sundalo ang katotohanan at sa­bihin kung sino ang nag-utos sa kanila.

 “Sabi kasi pakawalan na lang, sabihin muna nila ang katotohanan dahil hanggang ngayon pinipilit pa rin nila na si Galman ang pumatay. Ang gusto kong malaman din, sabi­hin sa akin at sabihin sa ating lahat kung sino ang nag-utos sa kanila,” pa­hayag ni Cory.

Kailangan muna uma­nong magkaroon ng hus­tisya sa pagkamatay ni Ninoy bago magkaroon ng kapatawaran para sa mga taong gumagawa nito.

 “Kailangan muna ng justice. Yon lang ang hini­hingi ko ang katotohanan para na rin sa ating ba­yan, kung hindi palagi na lamang nating iisipin, hindi naman sinabi ang kato­tohanan eh di hindi rin tayo maniniwala,” paha­yag pa ni Cory.

Taliwas naman ito sa nais mangyari ni Sen. Juan Ponce Enrile na nagsabing dapat i-review ang kaso upang mabig­yan ng clemency ang mga sundalo.

 Inamin ni Enrile na siya ang nagbayad sa legal services ng mga sun­dalo noong dinidinig pa ang kanilang kaso.

Ayon kay Enrile, nag­dusa na ang mga sundalo at pamilya ng mga ito.

Pero aminado si Enrile na hindi maaaring masar­han ang kaso kung mag­ka­ka­roon ng bagong ebi­densiya na magtuturo sa totoong responsable sa pagpatay.  (Malou Escudero)