17 OFWs ligtas na sa bitay

Nakaligtas sa parusang bitay ang 17 Pinoy na kabi­ lang sa 49 nasa death row sa iba’t ibang bansa mata­pos mapawalang-sala at ibaba ang sentensiya sa kinakaharap na mga kaso.

Sa report ng Department of Foreign Affairs (DFA), lima sa nakakulong na OFWs ay pinalaya na kabilang ang 35-anyos na si Sarah Dematera nasa Riyadh, Saudi Arabia ma­tapos tanggapin ng pa­milya ng bikti­mang napatay nito ang P25-M “blood money.”

Si Dematera ay domestic helper sa Saudi Arabia at nasentensyahan ng bitay sa pagpatay sa babae nitong employer may 15 taon na ang nakalilipas

Ayon kay DFA Under­secretary for Migrant Workers Affairs Esteban Conejos Jr, pinakahuling nasagip sa bitay si Jun Jailani sa Kuala Lumpur, Malaysia na pina­laya noong nakalipas na buwan makaraan ang 18 taong pagkakakulong at pagtanggap ng 10 hagupit ng latigo.

Ang mga pinalaya na­mang OFWs na nakabalik na sa Pilipinas ay sina Damaso Atienza mula sa Tehran, Iran noong Pebrero 17, 2007; Melvin Obejera mula sa Jeddah, Saudi Arabia na nakabalik sa Pilipinas noong Agosto 1, 2006 at Reynaldo San Pedro mula naman sa Jed­dah na nakabalik sa bansa nitong Pebrero 6, 2007.

Nakalusot din sa bitay sina Guen Aguilar na nabi­langgo ng 10 taon sa Singa­pore, Victoriano Alfonso na ibinaba ang sentensya sa 8 taon at 1,000 hagupit sa Jeddah, Saudi Arabia; Ro­nilo Arandia sa Jeddah na naibaba ang sentensya sa 5 taong pagkakabilanggo; Andy Baginda sa Kuala Lumpur, Malaysia  na ang hatol na bitay ay naging ha­bambuhay na pagkakabi­langgo.

Gayundin sina Wilson Basilo sa Jeddah na mabi­bilanggo na lamang ng 8 taon at 10 hagupit ng latigo; Ma Fe Cruzado sa Kuwait na naibaba ang hatol sa 20 mula sa 30 taong pagka­kakulong; Efren Dimaum sa Jeddah, Saudi Arabia na ang death penalty ay na­ging 8 taong pagkakabi­langgo na lamang at 1,000 hagupit ng latigo; Aristocles Escalante sa Jeddah na isisilbi na lamang ang 5 taong pagkakakulong doon; Fermie Salarza sa Cairo na ang death sentence ay ibi­naba sa 2 taong pagkakabi­langgo at magbabayad na lamang ng $14,140.27 blood money; Joel Sinam­ban sa Jeddah na mabibi­langgo na lamang ng 8 taon at 1,000 hagupit at Zenaida Taulbee sa Washington, DC na ang death penalty ay naibaba sa 25 taong pag­kakulong at Rolando Villa­min sa Doha, Qatar na 10 taon na lamang makuku­long. (Joy Cantos )