‘Egay’  lumalakas

Patuloy na lumalakas ang bagyong Egay habang patungo sa direksiyon ng kanlurang bahagi ng bansa.

Ayon sa Philippine Atmospheric Geophysical and Astronomical Services Administration (Pagasa), alas-11 ng umaga kaha­pon, si Egay ay namataan sa layong 860 kilometro silangan ng Northern Lu­zon taglay ang pinakama­lakas na hanging 120 km bawat oras malapit sa gitna at may pagbugso hang­gang 150 km kada oras.

Ngayong Miyerkules, si Egay ay inaasahang nasa layong 760 km ng silangan timog silangan ng Aparri, Cagayan at 600 km ng silangan timog silangan ng Basco, Batanes bukas ng umaga.

Pinalalakas ni Egay ang habagat kaya patuloy na nakakaranas ng mga pag-uulan sa kanlurang bahagi ng Luzon at Visa­yas. (Angie dela Cruz)