Misyonaryo, hindi na ipadadala sa Mindanao

Hindi na magpapa­dala ng mga misyonaryo sa mga delikadong lugar partikular sa Mindanao.

Ito naman ang ipina­ha­yag ni Jolo Apostolic vicar Angelito Lampon upang  maiwasan na uma­­no ang  nangyaring pag­ dukot sa Italian Priest na si Gian­carlo Bossi noong Hunyo.

Ayon kay Lampon, ito na rin ang kanilang ma­giging polisiya na dapat lamang italaga sa ligtas na lugar ang mga misiyo­naryo upang hindi na sapitin pa ng mga ito ang sinapit ng mga missionary na naging kidnap victim.

Aniya, pinag-aaralan na nila na sa isang retreat house na lamang i-assign ang mga missionary  upang nakakatiyak sila sa kanilang kalig­ tasan mula sa mga re­bel­­deng grupo tulad ng Abu Sayyaf.

Binigyan-diin ni Lam­pon na dapat na bigyan ng pansin ng pamaha­laan ang isyu upang hindi ma­apektuhan ang pag­tungo ng mga foreign missionary sa bansa at hindi ma­apektuhan ang ekono­miya ng bansa.

Kailangan aniyang hindi katakutan ng mga dayuhan ang kanilang pagtungo sa Pilipinas. (Doris Franche)