Clemency sigaw ng killers ni Ninoy: Matatanda na kami!

Hiniling kahapon ng 14 akusado sa Aquino-Gal­man double murder case kay Pangulong Arroyo na pagkalooban din sila ng executive clemency katu­lad ng ibinigay nito kay dating Zamboanga del Norte Cong. Romeo Jalosjos dahil matatanda na rin sila.

Sa pamamagitan ni Atty. Persida Rueda-Acos­ta, chief ng Public Attor­ney’s Office (PAO) na tuma­tayo ring abogado ng mga akusado, hiniling ng grupo sa pangunguna ng kanilang kinatawan na si Pablo Martinez, na kwali­pikado na sila sa commutation o pardon dahil ma­higit sa 70-anyos na sila na isa sa mga pribilehiyo na ibinibigay sa mga bilanggo.

Ayon kay Acosta, tama lamang na pagkalooban ng executive clemency ang 14 na nasentensiyahan ng habambuhay na pagka­bilanggo at halos 24 taon na ring nakakulong.

Inihalimbawa ng grupo ang ginawang pagbibigay ng clemency ng Pangulo kay dating Rep. Jalosjos na nasentensiyahan ng humi­git kumulang sa 100 taong pagkakakulong dahil sa kasong panghahalay suba­lit pagkakalooban na ma­ka­labas ng bilangguan.

Sa darating na Agosto 21, 2007 ay ika-24 taon nang pagkakapaslang kay dating Senador Benigno “Ninoy” Aquino Jr. at ng sun­dalong si Rolando Galman. (Gemma Amargo-Garcia)