Tamad na kongresista ipapahiya sa diyaryo

Sinuportahan ni Cebu City Rep. Antonio Cuenco ang plano ng liderato ng Kamara de Represen­tantes na magsagawa ng ‘shame campaign’ laban sa mga tamad na kongre­sista.

Sa isang pahayag, na­ni­niwala si Cuenco na di­sip­ lina sa hanay ng mga mam­babatas ang kam­pan­yang ilat­hala sa mga pahayagan ang mga pa­ngalan ng mga abse­nerong kongre­sista.

“Bukod sa disipli­nang makikintal dito, makaka­buti rin umano sa kabu­uang trabaho ng Maba­bang Kapulungan ang idudulot ng kam­panya,” ayon pa kay Cuenco.

Aniya, bagama’t ma­sama para sa ilan ang ilu­lunsad na kampanya ng liderato ng Kamara, ka­ilangan naman gawin ito para sa ikabubuti ng ins­titusyong kanilang kina­aaniban. 

Sinabi pa ng kongre­sista na ang ipatutupad na ‘name and shame plan’ ay isang mabisang reseta para magamot ang masa­ mang imahe ng Kamara bilang batasan ng mga absenerong kongresista. 

Matatandaan na ini­hayag kamakailan ni Speaker De Venecia at Majority Leader Arthur Defensor na plano nilang bumili ng espasyo sa mga pahayagan upang ilathala ang pa­ngalan ng mga abse­nerong kongre­sista. (Butch Quejada)