Insurance policy ng DOTC pinalagan

Pumalag ang mga non-governmental organizations sa pangunguna ng  Buklu­ ran ng Manggagawa sa Industriya ng Seguro (BMIS) Inc., at ng United Alliance Non-Life Workers of the Philippines sa kautusan ng Department of Transportation and Communications na eksklusi­bong ipamahala na lamang sa Government Service Insurance System ang pag-iisyu ng compulsory third party liability (CTPL) insurance sa lahat ng behikulo sa bansa.

Bunsod nito, nanawa­gan ang naturang grupo kay Pangulong Arroyo na huwag nang ipatupad ang naturang hakbang dahil kapag nangyari itio, ma­raming mamamayan ang maghihirap at mawa­walan ng hanapbuhay.

Nagpalabas ang DOTC ng isang kautusan na nagsasabing ang GSIS na lamang ang mag-iisyu ng CTPL insurance sa mga sasakyan. Ang ka­utusang ito ay epektibo sa Hulyo 24.

Nangangamba ang mga nabanggit na ang na­turang hakbang ay mag­bubunsod lamang ng pag­sasara ng maraming bilang ng mga insurance companies. (Angie dela Cruz)