Inihayag ng Malacanang na may pasok sa Hunyo 12, Independence Day at sa halip ay idineklara ang Hunyo 11, araw ng Lunes na walang pasok.
Pero ayon kay Executive Secretary Eduardo Ermita, lahat ng selebrasyon para sa Independence Day ay gagawin pa rin sa Hunyo 12 kahit na ang idineklarang non-working holiday ay Hunyo 11.
Nakapaloob ang deklarasyon sa Proclamation No. 1211 ng Malacanang matapos maipit sa araw ng Linggo at Lunes ang Independence Day. Inaasahan na pangungunahan naman ni Pangulong Arroyo ang pagdiriwang ng Independence Day.
Samantala, inihayag naman kahapon ni Ermita ang mga bagong appointments ng Palasyo kabilang sina Enrique Galang Jr., bagong associate commissioner ng Immigration; Franklin Littaua, executive director ng Immigration; Elmer Soneja, assistant secretary ng DOTC; at Teresita Inciong, assistant secretary ng DepEd. (Malou Escudero)