New Ecija governor seen to face rough sailing

Bawal nang pumasok at gumala-gala sa loob ng Malakanyang ang maliliit na bata o mga anak ng mga empleyado nito.

Sa isang ulat, ipina­labas ni Pangulong Gloria Macapagal Arroyo ang kautusan nang may makita umano siyang bata na gumagala sa loob ng Pa­lasyo kamakailan.

Nasubukan ang natu­rang kautusan nang isang empleyado ng Mala­kan­yang ang nabigong ma­ipasok sa compound ng Palasyo ang dalawa niyang anak na lalaki na may edad na anim at 13 taong-gulang kamakalawa.

Hindi pinangalanan sa ulat ang empleyado pero sinabi nito na binanggit sa kanya ng mga guwardiya na noong Biyernes lang nila natanggap ang kautu­san na sumasaklaw hang­gang sa New Executive building.

Nagtalo anya sila ng guwardiya pero humingi lang ito ng paumanhin at iginiit na hindi puwedeng pu­masok ang kanyang mga anak.