Tanggap na ni people’s champ Manny Pacquiao na tinalo siya ni Darlene Antonino-Custodio sa labanan sa pagka-kongre sista sa South Cotabato.
Bago pa ang proklamasyon kahapon ni Custodio, tinanggap ni Pacquiao ang pag-knockout sa kanya ng una sa katatapos na halalan at ituturing na lamang niyang isang malaking karangalan na makalaban ang isang haligi ng pulitika. Masaya na rin anya siya sa naging karanasan sa halalan.
Ipinarating ni Pacquiao ang kanyang pasasalamat sa mga sumuporta sa kanya at hinikayat ang mga katulad niya na suportahan na lamang ang mga halal na lider.
Magbabakasyon muna si Pacman sa Amerika kasama ang pamilya.
Ayon pa sa Pambansang Kamao, wala na siyang balak tumakbo pa sa 2010, ‘yan ay kung ngayon siya tatanungin.