Pichay bumabawi ang rating – SWS

Naging mabilis ang pagbawi ng rating ni Team Unity senatorial bet Prospero Pichay base na rin sa pinakahuling Pulse Asia survey na nagpapakitang siya ang pinakamabilis umangat sa lahat ng mga kandidato sa pagka-senador.

Sa Pulse Asia survey na isinagawa mula Abril 21-25, nasa ranggong 15-21 si Pichay na may voting preference na 24 porsiyento, isang napakabilis na pag-angat ng 4.2 percent mula sa dating survey ng Pulse Asia mula Abril 3-5 kung saan naitala ang 19.8% upang marating niya ang ranking na 19-22 puwesto.

Mas kapansin-pansin kung ito ay ihahambing sa naunang survey mula Enero 25-30 na naglagay sa kanya sa 34-51 na may voting preference lamang na 5.6%.

Tiwala ang mambabatas mula sa Surigao del Sur na sa pinag-ibayo niyang pangangampanya ay malalagpasan pa niya ito pagdating ng ikalawang linggo ng Mayo. (Butch Quejada)