Pinakamahirap aabutin ng kooperatiba

Sa ginanap na ika-30 General Assembly ng National Confederation of Cooperatives (NATCCO) nitong Abril 15 sa Pryce Plaza Hotel sa Cagayan de Oro City, ang kinatawan ng COOP-NATCCO Party-List na si Cong. Guillermo P. Cua ay nagbigay ng mensahe ng pagbati at paghamon sa mahigit sa 300 na mga opisyal at miyembro ng kooperatiba.

"Ang ekonomiya ng ating bansa ay umuunlad, ito ay pinatutunayan ng statistics, pero, totoo rin na mayroon tayong marami pang gagawin dahil sa mga sumusunod na realidad sa ating lipunan: Una, may 24 milyon Filipino ang nasa estado pa rin ng sobrang kahirapan (living below the poverty line); ikalawa, may 30% ng mga mag-anak na Filipino ang walang sariling tahanan; ikatatlo, 1 sa bawa’t 5 bahay sa buong bansa ang hindi dinadaluyan ng malinis na tubig; at ikaapat ang may 4 milyong mga bata at kabataan ang matatawag na child laborers.