Loren lalong umangat sa SWS survey

Nadagdagan pa ng apat na puntos ang preference votes ni GO senatorial candidate Loren Legarda upang manatiling nangunguna sa pinakahuling senatorial survey ng Social Weather Station (SWS) na isinagawa noong Abril 14-17.

Si Loren, ang top vote-getter sa 1998 senatorial election matapos ihalal ng mahigit 15 milyong Pilipino, ay nakakopo ng 58% ng mga boto sa survey na nilahukan ng 1,200 registered voters sa buong bansa. Sa sinundang SWS survey ay 54% ang voters’ share ni Loren kaya ito’y tumaas ng apat na puntos.

"I am humbled by the continuing and increasing support given me by my fellow Filipinos," wika ni Loren. "I assure them that if I am returned to the Senate in this election, I will not disappoint them and continue to fight hard against poverty, injustice and corruption." (Joy Cantos)