Poll violence inaksyunan

Kinalampag na kahapon ni Pangulong Gloria Arroyo ang pulisya, militar at lahat ng local government units upang magtulungan sa pagsugpo ng tumataas na bilang ng mga karahasan sa bansa na may kaugnayan sa eleksyon.

Sa isang pahayag, tinagubilinan ng Pangulo ang mga awtoridad na mabilis na lutasin ang malalaking krimen at pakilusin ang barangay-based intelligence para masawata ang iba pang karahasan. Hiningi rin niya ang mas malakas na kampanya laban sa iligal na mga baril at magrekomenda sa Commission on Elections ng mga lugar na ituturing na election hot spot. (Malou Escudero)