Piatco, Fraport kasuhan - DOJ

Inirekomenda ng Department of Justice ang pagsasampa ng kasong kriminal laban sa Philippine International Air Terminals Co. Inc. (PIATCO) at foreign partner nitong AG Frankfurt Airport Worldwide (Fraport) sa paglabag sa anti-dummy law.

"Wherefore, the motion for reconsideration is hereby respectfully recommended to be granted. Let an information for violation of Anti-Dummy Law be filed against herein respondents before the appropria_te court," ayon sa DOJ resolution na inaprubahan ni Chief State Prosecutor Jovencito R. Zuno.

Binaligtad ng DOJ ang nauna nitong ruling noong Dec. 2006 matapos makitang mayroong batayan ang apela ng mga private complainants sa pamamagitan ng legal counsel nitong si Atty. Jose Bernas dahil nabigo ang Fraport at Piatco na patunayan ang stock ownership nito na maliwanag na paglabag sa anti-dummy law at Foreign Investment Act. (Rudy Andal)