Pinay team na aakyat sa Everest, suportado ni Zubiri

Sinuportahan ni Team Unity senatorial candidate Juan Miguel Zubiri ang mga babaeng miyembro ng RP Mountaineers team na aakyat sa pinakamataas na bundok sa buong mundo, ang Mt. Everest.

Personal na nagtungo si Zubiri sa isinagawang send-off ceremony sa UP Diliman, Quezon City at sa kanyang mensahe kina Carina Dayudon at Noelle Wenceslao, sinabi ni Zubiri na kayang-kaya ng mga ito na tahakin ang tinaguriang ‘world highest peak’ sa pamamagitan ng tapang, tiyaga, pagsisikap at determinasyon. Gaya ng mga Pinay, inamin ni Zubiri na halos kasing taas din ng Mt. Everest ang bundok na kanyang aakyatin ngayong eleksyon.

Si Zubiri ay kilalang environmentalist at tinaguriang most prolific lawmaker sa nagdaang 13th Congress. Siya ang may akda ng Biofuels Act at Wildlife Conservation Act. (Malou Escudero)