Delicadeza, importante sa eleksiyon

Dapat umanong magbitiw sa tungkulin ang mga pulitikong kakandidato sa mataas o mababang posisyon sa susunod na eleksiyon kung talagang sinsero sila sa paglilingkod sa taong bayan.

Isang grupong sibilyang tinatawag na Konsensya na nagsusulong ng mabuting pamamahala ang nagpahayag ng pagdududa sa sincerity at commitment ng mga pulitikong nakapwesto sa kasalukuyan subalit nagnanais na tumakbo.

"Public service needs commitment and serious leaders. Mag-resign muna sila sa Senado para mapatunayan ang kanilang katapatan sa paglilingkod," ani Danny Jacob, presidente ng Konsensya.

Matunog ang balitang babanggain ni Sen. Pia Cayetano si Taguig Mayor Freddie Tinga. Matatandaang mortal na magkaaway sa pulitika sina Rep. Alan Peter Cayetano at ang anak ni SC Associate Justice Dante Tinga. Si Sen. Lito Lapid ay nagpahayag naman ng kanyang intensiyon na tumakbong mayor ng Mÿakati, si Sen. Bong Revilla ay nagpakita ng interes na tumakbong gobernador ng Cavite at si Sen. Alfredo Lim bilang alkalde ng Mayniÿÿla.

Pinayuhan ng Konsensya sina Cayetano, Lapid, Lim at Revilla na pag-isipan ang kanilang mga desisyon sa pulitika at ipakita sa bayan ang kanilang plataporma.