Sina Gabriela Rep. Liza Maza, Bayan Muna Rep. Satur Ocampo at Teodoro "Teddy" Casino, Anakpawis Rep. Rafael Mariano at 15 iba pa ay isinasangkot sa umano’y pagpatay sa hinihina lang mga militante na sina Danilo Felipe, Jimmy Peralta at Carlito Bayudang.
Nangyari ang sinasabing pamamaslang sa Nueva Ecija noong Peb. 18, 2001 kay Felipe na sinundan ni Peralta noong Dis. 23, 2001 at Mayo 6, 2004 kay Bayudang.
Inilabas umano ang subpoena ni Prosecutor Antonio Lapus, investigating prosecutor ng Nueva Ecija na ibinase sa rekomendasyon ni Senior Insp. Arnold M. Palomo.
Isang Julie Flores Sinohin ang lumutang nito lamang Nob. 22, 2006 kung saan itinuro nito si Rep. Maza na kasangkot umano sa krimen.
Inakusahan naman ni Maza ang gobyerno nang panggigipit sa pagkaladkad ng kanyang pangalan sa kasong pagpatay.
"It’s plain and simple harassment. It’s an old ploy to intimidate and sidetrack us," ani Maza. "These charges are a scheme of a desperate administration that is getting the flak from the international community for the unabated political killings in the country."