Gringo makikipagtulungan na sa gobyerno

Makikipagtulungan na sa pamahalaan si dating Senador Gregorio "Gringo" Honasan.

Ito ang sinabi ni DILG Secretary Ronaldo Puno nang makausap umano niya si Honasan nitong nakaraang araw.

Sinabi ni Puno na bukod sa hangarin ni Honasan na makipagtulungan sa pamahalaan, nangako rin ang dating senador na gagawin ang lahat upang makumbinsi ang mga kasamahan na patuloy na pinaghahanap ng batas na sumuko na rin at makipagtulungan sa administrasyong Arroyo.

"This is a good development in case it would push thru....at maganda ito para sa gobyerno at para sa lahat," pahayag ni Puno.

Si Honasan ay kasalukuyang nakakulong sa headquarters ng PNP-Special Action Force sa Fort Sto. Domingo sa Sta. Rosa, Laguna. (Angie dela Cruz)