Pinoys sa Kazakhstan nagsiuwi na

Tuluyan nang nilisan ng mga Pinoy workers ang oil field sa Tengiz, Kazakhstan sa desisyong uuwi na lamang silang lahat sa bansa dala ng labis na pangamba sa kanilang seguridad dulot ng namumuo pa ring tensiyon sa pagitan ng Kazakhs at Turkish workers doon.

Sa ulat ng Department of Foreign Affairs (DFA), nakatakdang dumating sa bansa ngayong Nobyembre 23 at 26 sa magkahiwalay na flight ang dalawang batch ng 228 Pinoy workers.

Nabatid pa sa DFA na ang huling batch na binubuo naman ng 74 workers ay nakatakdang umalis ng Tengiz patungong Atyrau sa Nob. 23 at inaasahang darating ang mga ito sa bansa sa Nob. 25. (Rose Tamayo-Tesoro)