DOJ pinasalamatan sa P100M estafa vs gov’t contractor

Pinasalamatan ng mga opisyal ng Star Infrastracture Development Corp. (SIDC) si Justice Secretary Raul Gonzales sa direktiba nito sa Pasig Prosecutors Office na madaliin ang resolusyon sa P100 million estafa case na kanilang isinampa laban sa dati nilang kasamahan sa korporasyon.

Ayon kay SIDC Administrative and General Affairs Officer Louie Turgo, mas lalo silang magpupursiging ihanda ang mga ebidensiya laban kay Cesar Quiambao na inaakusuhan nilang "nagpadugo" sa kanilang kompanya.

Sinabi ni Turgo na mahalagang mapanagot si Quiambao sa umano’y paggamit nito sa pondo ng SIDC para sa pakinabang ng mga sarili nitong korporasyon.

Tahasang sinabi ni Turgo na mistulang "systematic plunder" ang ginawa ni Quiambao sa SIDC funds na naging sanhi ng pagkaubos ng pondo nito.

Naniniwala si Turgo na malaking tulong ang kautusan ni Gonzales para mas mabilis nilang makamit ang hustisya laban kay Quiambao.

Show comments