Sinabi ni Executive Secretary Eduardo Ermita, matagal na umanong inihain ang pagbibitiw ng 7 miyembro ng BON pero hindi kaagad ito naaksyunan ng Pangulo dahil wala pang maipapalit sa kanila.
Ayon kay Ermita, ang mga miyembro ng lupon sa pagsusulit ng nurses ang siyang naghahanda ng mga katanungan sa nursing licensure exam.
Mayroon na umanong talaan ng mga nominado para sa BON at pinal nang inihahanda ang pagtatalaga sa mga ito matapos makumpirma ang pagsang-ayon nila sa puwesto.
Ang 2 miyembro ng BON na sina Anicia Dionisio at Virginia Madeja ay kapwa kinasuhan ng kasong paglabag sa PRC Modernation Act matapos lumabas at makaabot sa mga review centers ang iniingatan nilang mga katanungan para sa pagsusulit ng mga nurses noong June 2006. (Lilia Tolentino)