Kinuhang yaman ng PCGG paiimbestigahan ni Imelda

Nais na paimbestigahan ni dating First Lady Imelda Marcos ang mga asset at mga kompanyang na-sequestered ng Presidential Commission on Good Government (PCGG) upang malaman kung sino ang tunay na may atraso at nagnakaw sa taumbayan.

"Mrs. Marcos wants the Philippine government not only to conduct an audit at the Technology Resource Center Incorporated but also the other projects of Mrs. Marcos when she was still Minister of Human Settlement now handled by the PCGG," pahayag ni Fernando Diaz, spokesperson at chief of staff ni Gng. Marcos.

Sinabi pa ni Diaz na nasorpresa si Mrs. Marcos ng malaman na wala na ang pondong P400M sa kanyang Technology Resource Center Foundation Inc. matapos ang 3 taon ng kunin ito ng PCGG. Noong 1986 bago umalis ng bansa ang pamilya Marcos ay may pondo pa ito na umaabot sa P400 million. (Edwin Balasa)