NBI binigyan ng deadline sa ‘leakage’

Nakatakdang ihayag ng Malacañang sa susunod na linggo ang pinal nitong desisyon sa retake ng kontrobersiyal na Nursing Licensure Examinations.

Ayon kay Executive Secretary Eduardo Ermita, binigyan na ng Palasyo ng deadline na hanggang Lunes ang National Bureau of Investigation (NBI) para isumite ang resulta ng imbestigasyon nito sa kaso bago magpalabas ng Executive Order si Pangulong Arroyo.

Dalwang review centers ang natukoy ng NBI na sangkot sa leakage at tatlo pa ang sinisiyasat kung may kinalaman din sa umano’y pandaraya.

Inirekomenda rin ng NBI ang pagsasampa ng kaso sa dalawang miyembro ng Nursing Board Examiners dahil sa kapabayaan sa pagkakalabas ng mga test questionnaires na nasa kanilang pag-iingat. (Lilia Tolentino)