Graft vs Imelda dedesisyunan sa Biyernes

Sesentensiyahan na ng Sandiganbayan Fifth Division sa darating na Biyernes si dating First Lady Imelda Marcos sa isa sa 11 kasong katiwalian na nakasampa sa kanya sa korte.

Ang kaso ay isinampa noong Marso 5, 1993 at nag-ugat sa diumano’y financial interest ni Marcos at ng kanyang co-accused na si Jose Conrado Benitez sa Technology Resource Center Foundation Inc., isang pribadong kompanya.

Ipinagbabawal sa batas ang pagkakaroon ng financial interest sa isang pribadong kompanya habang may hinahawakang posisyon sa gobyerno. Pansamantalang nakakalaya sina Marcos at Benitez dahil sa P15,000 piyansa bawat isa. (Malou Escudero)