Gag order sa pag-aresto kay Sabio

Binusalan ng Korte Suprema ang mga mambabatas at iba pang opisyal na sangkot sa umano’y illegal na pag-aresto kay PCGG Chairman Camilo Sabio.

Sa ginanap na oral argument,ipinalabas ni SC Chief Justice Artemio Panganiban ang gag order kasunod ng kahilingan ng panig ng Senado kapalit ang pagpapauwi kay Sabio.

Ayon kay Panganiban, ang sinumang lalabag sa nasabing gag order ay papatawan ng SC ng parusang contempt.

"PCGG, Senate, Congressmen, Philcomsat, Counsels.. even this court nobody will talk, we will hold in contempt all those who will violate this order this time it is the court and not the senate will cite them in contempt," ani Panganiban.

Si Sabio ay una ng iginisa sa nasabing oral argument kung saan inamin nito na wala itong absolute immunity sa anumang imbestigasyon. (Grace dela Cruz)