Ito ay matapos na mabatid na nagla-lobby umano si Lapid upang ang may P30 milyong Dinalupihan road widening project ay ilipat o ilaan na lamang sa kanyang ‘pet’ project sa Pampanga.
Si Lapid na napaulat na planong tumakbo sa Makati bilang alkalde ay lumiham kay Bases Conversion Development Authority (BCDA) chairman Narciso Abaya noong Marso 23 at iginigiit nito na mabigyan ng pondo ang kanyang ‘pet’ project, ang Macabebe-Masantol Road sa kabila ng kawalan ng board resolution mula sa BCDA.
Nauna rito, inaprubahan ng BCDA board ang resolusyon na naglalaan ng P30 milyong pondo para sa pagpapalawak ng Dinalupihan section ng GSO Road sa pakikipagtulungan na rin ng Department of Public Works and Highways (DPWH).
Layunin ng nasabing proyekto ay upang matugunan ang traffic situation sa nasabing lugar kasunod na rin ng konstruksyon ng Subic-Clark-Tarlac Expressway project ng kasalukuyang gobyerno.
Sa kabila nito, umapela naman ang mga residente sa Bataan kay DPWH Regional Director Ramon Aquino na igalang ang BCDA board resolution para sa naturang proyekto alinsunod na rin sa memorandum of agreement sa pagitan ng BCDA at DPWH. (Rudy Andal )