Sakay ng commercial flight na Cathay Pacific Airlines ang may 35 OFWs na galing sa Damascus, Syria ang dumating sa Ninoy Aquino International Airport (NAIA) kahapon ng umaga. Sinalubong sila ng mga opisyal ng Overseas Worker Welfare Administration (OWWA), Department of Foreign Affairs (DFA) at kanilang mga pamilya.
Dumating din kamakalawa ng gabi ang 2nd batch ng may 235 Pinoy workers kung saan ay mismong si Pangulong Arroyo ang nanguna sa pagsalubong sa mga ito sa Villamor Air base sa Pasay City.
Sinabi naman ni OWWA deputy administrator Angelo Jimenez na bibigyan ng OWWA ng financial assistance at livelihood program ang mga OFWs habang wala silang hanapbuhay. (Butch Quejada)