Pinay itinulak sa gusali ng kapwa Pinay, todas

Basag ang bungo at nagkalasug-lasog ang katawan ng isang Pinay domestic helper sa Singapore matapos umano itong itulak ng kapwa Pinay sa ika -18 palapag ng gusali noong Biyernes ng umaga.

Sa report na nakarating kahapon sa Department of Foreign Affairs (DFA), sinasabing nagtalo ang dalawa sa hindi pa mabatid na kadahilanan kung saan ang insidente ay naitawag pa sa Singapore Police.

Agad namang nagresponde ang mga pulis subali’t pagdating nila sa lugar ay naitulak at nahulog na ang biktima mula sa gusali.Inaresto ang suspek at pansamantala munang hindi inihayag ng DFA ang kanyang pangalan, gayundin ang biktima habang kinukumpleto pa ang ginagawang imbestigasyon. (Mer Layson)