Juday babasahan ng sakdal ngayon ng BIR sa tax case

Huhusgahan na ngayon ng Bureau of Internal Revenue Court of Tax Appeals (BIR-CTA) ang kasong tax evasion laban sa drama princess na si Judy Ann Santos.

Ito ay makaraang ibasura ng CTA ang mosyon ng kampo ng aktres na humihiling na ibasura ang kaso.

Naisampa ang tax evasion sa BIR noong March 2005 matapos mapatunayan ng ahensiya na hindi naideklara ni Juday ang tamang kinita nito noong taong 2002.

Noong 2002, kumita si Juday ng P16 milyon subalit naideklara lamang ng aktres na kumita ito ng P8 milyon. Nagpapakita ito na hindi nagbayad ng buwis si Juday ng may P2.7 milyon.

Una nang sinabi ng Department of Justice (DOJ) na may probable cause upang kasuhan ang aktres ng tax evasion. (Angie dela Cruz)