Pagpatay sa lider magsasaka ‘wag daw isisi sa mga Floirendo

Ikinatuwa ng pamilya Floirendo ang gagawing pagsisiyasat sa umano’y pagpatay sa isang lider magsasaka sa Davao del Norte para matapos na ang usapin at mahuli ang mga salarin.

Si Enrico Cabanit, 54, sec-gen ng Pambansang Ugnayan ng mga Nagsasariling Lokal na Organisasyon (Unorka) ay binaril at napatay nitong Lunes ng gabi. Dati siyang tauhan sa banana plantation ng mga Floirendo sa Davao.

"The investigating team are still conducting follow-up operation, scrutinizing details available, to unveil the motive of the killing that could somehow help identify the perpetrators," pahayag ni P/Supt. Samuel Gadingan, chief ng Panabo City police station.

Ayon sa abogado ng mga Floirendo na si Atty. Richard Uayan, ang pagkamatay ni Cabanit ay ginagamit umano bilang propaganda ng ilang sektor para ibaling ang sisi sa mga Floirendo.

"We must remember that the cases in which Cabanit and the Floirendos had figured in the past had been resolved amicably. Therefore, he was no longer relevant to those cases and the only people benefiting from this are the ones who want to create a new issue," ani Uayan.

Hindi anya makatarungan na ibintang agad sa mga Floirendo ang pagpatay dahil lamang sa dating tauhan ng pamilya si Cabanit.