Comelec officials pagbitiwin — PDSP

Kung hindi rin lamang umano kayang tanggalin ni Pangulong Arroyo ang ilang opisyal ng Comelec ay pakiusapan na lamang niya ang mga ito na mag-resign.

Ayon kay Atty. Jose "Nonong" Ricafrente, spokesperson ng Partido Demokratiko Sosyalita ng Pilipinas (PDSP), dapat nang magbitiw si Comelec Chairman Benjamin Abalos at iba pang commissioner na sangkot sa maanomalyang computerization program bago isagawa ang tunay na pagbabago. Ang pagbibitiw anya ng mga opisyal nito ang magpapanumbalik ng nawalang integridad ng ahensiya. Lumilitaw sa resulta ng Pulse Asia na 52 porsiyento ng Pilipino ang wala ng tiwala sa Comelec at nais na mag-resign na ang mga opisyal nito. (Doris Franche)