Ayon kay Atty. Jess Santos, abogado ng Unang Ginoo, dapat na sumipot ang senador para maklaro ang pangalan ni Arroyo na madalas isinasangkot sa katiwalian ni Estrada. Walang naging malinaw na kasagutan ang abugado ni Estrada kung bakit hindi ito sumipot sa paunang pagdinig at wala din itong isinumiteng counter-affidavit sa kasong libelo.
Isinangkot ni Estrada si Atty. Arroyo na mayroon daw koneksyon ito kay Lucio Co, isang big-time smuggler na itinanggi naman ng kampo ng Unang Ginoo. Sinabi rin ni Estrada na nagkaroon din daw ng kontrata si Jack Lam sa Pagcor dahil sa koneksyon nito kay Atty. Arroyo.
Ayon kay Santos, walang katotohanan ang mga paratang ni Estrada, at katunayan ay sumulat pa ang kanyang kliyente sa Bureau of Customs para arestuhin ang sinumang nagbabanggit sa kanyang pangalan. (Rudy Andal)