GMA binanatan uli ng Magdalo

Muli na namang bumanat ang nagtatagong lider ng Magdalo na si 1st Lt. Lawrence San Juan sa pamamagitan ng ipinakalat na audio tape na naghahayag ng hangaring mapababa na sa puwesto si Pangulong Arroyo.

Ayon kay San Juan, sa mga susunod na araw ay nakatakda na nitong hayagang ipakita ang pagkadismaya sa kasalukuyang huwad na gobyerno.

Ipamamalas umano nito ang buong lakas at tapang at nararamdamang pagkamuhi hindi lamang sa pamamagitan ng mga protesta sa lansangan kundi ang pagsusuot ng pulang arm band na sumisimbolo ng tunay na sentimyento ng mga mamamayan.

Hinikayat niya ang pagsusuot nito hangga’t hindi bumababa sa puwesto si Arroyo.

Sinabi pa ni San Juan na hindi na niya masikmura ang katiwalian sa AFP at inutil anya ang gobyerno sa hinaing ng ordinaryong mamamayan. (Joy Cantos)