Shoot-to-kill vs recruiters sa coup

Ipinag-utos kahapon ni Army Chief Lt. Hermogenes Esperon sa lahat ng mga division commander at sa 77,000 malakas na puwersa ng Phil. Army sa buong bansa na arestuhin at kung manlaban ay ipatupad ang ‘shoot-to-kill" order laban sa mga retirado, aktibong opisyal ng militar at maging ang mga sibilyan na nagre-recruit ng mga sundalo sa planong destabilisasyon upang ibagsak sa kapangyarihan si Pangulong Arroyo.

Ginawa ni Esperon ang pahayag sa gitna ng maugong na balitang aktibo na muli ang mga destabilizers sa pagre-recruit ng mga sundalo na hinihikayat ng mga itong sumama sa pag-aklas laban sa gobyerno.

"Regardless if they are retired, in the active service, or civilians. For as long as they’re recruiting, I will have them arrested because what they’re doing is illegal," sabi naman ni Army 2nd Infantry Division Commander Maj. Gen. Efren Orbon. (Joy Cantos)